***
Արի ու ետ տար
համբույներդ բոլոր,
դրանցից ծանրացել ու չի բացվում կոպս…
արի ու ե՜տ տար,
զրույցներդ երկար, հազարաթե՜լ՝
ասեղնագործելու ուրիշի բարձը,
որի հետ…ջահելանում ես կամ ծերանում գուցե…
Արի ու ասա, որ երջանիկ ես,
Արի ու տար դժբախտությունդ ինձնից…
Արի ու ետ տար,
մատնահետքերդ…մաշկիս տակ անցած,
դրանցից ծանրացել են ձեռքերս,
Եվ չեմ կարողանում նույնիսկ խաչակնքել՝
Արդեն քանի տարի…
Արի ու….արի….արի…..
Комментариев нет:
Отправить комментарий