Մտքեր, մտքեր, մտքեր...

Ես-երի կռիվը, պարտադիր չէ, որ աներեսություն պահանջի:

***

Կասկածն՝ իրեն անձրև բերող որդ է...բայց առանց կասկածի սերն՝ անհամ խնձոր է...

***

Պետք է համապատասխան բառեր ընտրել...լավ լռելու համար:

***

Հիմարները հաճախ թաքնվում են բառերի ետևում, խելոքները ցույց տալիս ճշմարիտ բառերի տեղը:

***

Երկրակեղևը ցնցվում է...երբ Աստված շուռումուռ է գալիս իր անկողնում....ուրեմն պետք է նորից հարցեր տալ, մի տեսակ ամենքս խելոք ենք ու պատասխաններ ունենք ամեն ինչի համար:

***

Խղճացեք բառերին, եթե նույնիսկ անվանարկում եք որևէ մեկին, որովհետև դրանք առաջին հերթին, և, թերևս, միայն ցավեցնում են իրենց իսկ` բառերին, այլ ոչ թե ձեզ կամ առավել ևս` դրանց հասցեատիրոջը...

***

Արյան հոտը մաշկի ներսով են զգում....

***

Լրագրողի գործը՝ լուրի փաստագրումը չէ, այլ փաստի՝ լրագրումը:

***

Թե սերը մեզ փիլիսոփա է դարձնում, մեր ուղեղն ավելի պայծառամիտ է դառնում...բաժանումներից հետո...

***

Զզվելի է, երբ կորցնում ես ոչ թե բառը, այլ բառի նշանակությունը...

Որքան լավ ես արտասանում, որ սիրում ես ինձ, որքան լավ...ինչպես լավ բանաստեղծություն, որի հեղինակը դու չես սակայն...

***

Կյանքն իրականում դառը սուրճ է, ոմանք չափից շատ են շաքարավազ լցնում, ոմանք` սխալմամբ ավելացնում սուրճը...եվ ստացվում է հաճախ, որ ուրիշի մեղքով խմում ենք ուրիշի սուրճը...կամ հակառակը...

***

Ավագանու ընտրություններ...«Ընտրյալ ու ընտրվելիք Ավագներ», մաքրելու ե՞ք ավգյան ախոռները...

***

Կարևորը՝ մոտենալը չէ, մոտեցումն է, որովհետև մոտ կանգնելը մոտիկություն չէ դեռ...

***

Պետք է լավ իմաստով գիրքը «ծամել», քան ծամոնը գիրք դարձնել...

***

Նույնիսկ եթե անսահման է երջանկությունը, մի սահմանապահ...Կին հայտնվում է ու քեզ դնում սահմանների մեջ...

***

Անգրագետների համահարթեցրած ասֆալտի տակից անպայման ծիլ է տալու ու բարձրանալու է Գրի հանճարեղ ծաղիկը...

***

Դառը սուրճ կյանքին` մահը...աղանդեր...իսկ մնացյալը սերը երգելու մի պարզ տաղանդ էր...

***

Հանճարին արդարախոսների վրա տղա բերողները միջատ են, միջակ չեն...

***

Փաստը բովանդակվում է ինչպես կոնկրետ իրադարձությամբ, այնպես էլ ժամանակագրական ռեզոնանսով...

Եթե երկնքից աստղ է ընկնում, ուրեմն մի անկոչ աստղիկ էլ հարմար տեղավորվել է երկնքում...

***

Ավելի լավ է խորհրդավոր լռես, քան կառչես իմ բառերից...

***

Բառերիս վրա աղ մի ավելացրու, եթե դրանք եփել չգիտես քո սրտամանում...

***

Ծովը՝ խորհրդանշում է մարգարիտի ու խեցու, ձկան ու ձկնկուլի, ինչպես նաև ջրիմուռների ու գարշահոտ ծովաբույսերի համակեցությունը...

***

Աղջիկը շպարվեց, ուզում է ամուսնանալ...

***

Պետք է շատ խելք ունենալ...հիմար երևալու համար:

***

Ստորոտում թողեցիր, բայց ստորը ես չեմ...

***

Աստվածները սխալվելու իրավունք չունեն, բայց մենք պարտավոր չենք անսխալ համարել նրանց...

***

Վերջին անգամ ամեն ինչ առաջին անգամն է լինում:

***

Ինձ լավ տեսնելու հույսիդ հետ...կռիվ չեմ տա...դու էլ մի պատերազմիր իմ անհուսության դեմ...

Ես ոչ մեկի մասին չեմ գրում...բոլորը գրվում են...

***

Քո դժբախտությունն այն է, որ չես գիտակցում, որ երջանիկ ես...

***

Նույնիսկ փոքր ալիքը կրում է ծովեղեն պատասխանատվություն....

***

Երջանկության միակ կանոնը, թերևս, այն է, որ, որպես կանոն, երջանկություն չի լինում....

***

Գրականությունը երազի պես է, կամ լավն է, կամ վատը, իրականի ու պատրանքի խառնուրդ, և ոչ ոք չի կարող ասել, որ ինքն այդ երազն ավելի լավ էր տեսնելու կամ իր մոտ այն ավելի սարսափելի էր լինելու....

***

Մարդ.սատանան կարդում է այն հակառակ կողմից, դրա համար էլ անընդհատ սակարկում է նրանով...

***

Գուցե ես ինքնասիրահարված եմ, բայց Ես ասելով, ես հասկանում եմ քեզ....

***

Դու չէիր ուզում ինձ...սպանել....դու պարզապես լավ ես կրակում....

***

Աղջիկս պատահաբար ոտքը դրեց...իմ` երազելու ակնոցի վրա...

***

Երջանկությունն աննշան է, եթե միասին չես նշանավորում...

Գիրս մի ջնջիր...այն անգիրելով,Սերս մի ճնշիր...ազատագրելով...

***

Ճշմարտությունը լավ մաստակ է, բայց վատ կերակուր...

***

Կնոջ երդումն ավելի շուտ է հալչում, քան առաջին ձյունը, բայց դրա դրժումից ավելի շատ ես մրսում, քան ձյունից...

***

Հույսը վերջինը չի մեռնում, նրան… սպանում են...

***

Պարտավոր ենք չմեռնել...մեր մեջ ապրողների համար...

***

Մարդու համար ոչ մի անհնար բան չկա, եթե այդ ամենն ինքը չի անելու...

***

Արևը միայն մեկ թերություն ունի.չի կարող ինքն իրեն նայել...

***

Ես լավ եմ, քանի որ...ավելի վատ լինել հնարավոր չէ...

***

Քրիստոս, մի քանի րոպե աչք փակիր...

***

Տառապանքը փորձաքար է, ինչից հետո մարդ կամ ավելի ամրանում կամ նոր տեղից է ճաք տալիս...

***

Ես նույնիսկ սգացել եմ...արքայի մահը`Հորս հետ շախմատ խաղալիս...

***

ԻՆՔՆԱԴԻՄԱՆԿԱՐ՝
Ես՝ ՄՈՐՍ Աչքերի մեջ...

***

Երբ վստահ չես՝ ապրում ես թե մեռած ես, ուրեմն, համոզված ես...որ սիրում ես...

***

Երբ վստահ չես, որ սիրում ես, ուրեմն ապրում ես առանց համոզմունքի

***

Երբ համոզված ես, որ մեռած ես, ուրեմն ապրել ես

***

Եթե վստահ չես, որ մեռած ես, ուրեմն՝ դեռ սիրում ես

***

Իրականում, մենք մեռած ենք, ու մեզ չեն ասում, որ տրամադրություններս չփչանա....

***

Էլ անիմաստ են խոսքերը բոլոր,Թե չունեն անվան բաղձալի հոլով...

***

Հայր Ներիր նրանց, նրանք չգիտեն, թե ինչ են անում....Ախ, Նազովրեցի, հիմա, հիմա եմ ես քեզ հասկանում,,,,

***

Ամենագեղեցիկ երգս դու ես,թույլ տուր լռել քեզ իմ մտքում...

***

Խղճահարությունն ամենաքողարկված արհամարհանքն է, քանզի եթե նույնիսկ մարդկային, այն բնավ մարդակենտրոն չէ

***

Մեղքս այն էր երևի, որ... ծնվել եմ,,,Չիմանալով, որ մեղքս այն է երևի, որ ծնվել եմ`Չիմանալով մե"ղք է արդյոք չիմանալը....թե" ծնվելը....

***

Սերը հասունացնում է մանկանն, իսկ հասունին` մանկացնում....

***

Բոլոր երդումներն անկեղծ չեն, հանուն անկեղծության են...

***

Ավելի գերադասելի է երկնային արքայությունը, քան երկրային Թագավորությունը

***

Իշխանության համակրանքը շահելու համար քիչ է Իշխան անվանվելը, ինչպես նաև պալատական ծով նզովքից չի փրկի իշխանալողը....

***

Սարսափելին այն չէ, որ երբեմն մոռանում ես Տիրոջն, այլ այն, որ Տերն ինքն է հիշեցնում իր մասին....

***

Հնարավոր է հեռու լինել ԱՅՆՏԵՂԻՑ, որտեղ քո միտքն է, բայց անհնար է փախչել ԱՅԴՏԵՂԻՑ.....

***

Էլ անիմաստ են խոսքերը բոլոր,Թե չունեն անվան բաղձալի հոլով...

***

ինչ անում ես` գեղեցի'կ արա, եթե նույնսկ Արա Գեղեցիկը չես....

***

Ամենագեղեցիկ երգս դու ես,թույլ տուր լռել քեզ իմ մտքում...

***

Իշամեղվի կծածից կարող ես միտք ճախրեցնել, բայց մեկ ա,,,էշ էշ միտք

***

մի հպարտացիր իմ սիրով, որովհետև չեմ սիրում հպարտությունդ

***

Վառ երևակայությունը կարող է և լուսավորել և վառել....

***

Սպասումը հավասարապես երկարացնում է մեղքն ու երջանկությունը, բայց հավասարաչափ չի արդարացնում դրանք....

***

Երբեմն ասում ես ....թքած ունեմ....բայց պարզվում է դրանք,,,արցունքներդ են...

***

Զգույշ լռեք....այն կարող է օգտագործվել ձեր դեմ....

***

Հնարավոր է մնալ փողոցում, և չլինել փողոցային, ինչպես նաև հնարավոր է դուրս գալ փողոցից, բայց այն շարունակի լինել քո մեջ

***

ասում են, աղոթքը չմեղանչելու ամենագործնական միջոցն է.

***

Սարսափելին ոչ թե ասածին, այլ` չասածին հավատալն է....

***

Շնորհակալ եմ, որ կաս, որ էլ չկաս, որ...կաս.քեզնից արցունք մնաց, ինձնից,,,,դու կիմանաս....

***

Եթե սերը գրականություն չի դառնում, գրականությունը չի սիրվում

***

Գրիչն ամենավերջինն է, ինչ անհրաժեշտ է գրելու համար,,,մինչդեռ ոմանք մեկնակետվում են ճիշտ հակառակ տրամաբանությունից, ինչի արդյունքում՝ նրանց գրածն ավելի շատ թանաքով, քան արյամբ է (օրգանական, բնական և ոչ՝ եղերական իմաստով) բուրում...

***

Իշխանը վերացող՝ «արքայական» տեսակ ա՝ ջրում, ցամաքում, թե պալատում...զգույշ վերաբերվեք...վերահսկեք, որ վերահսկվեք....

***

Ճանապարհը մեկին Նավապետ է դարձնում, մյուսին՝ նավից առնետավազող կենդանի....

***

Անցյալի քայլերի ճշմարտացիության առնչությամբ կասկածանքից մինչև,,,,դրանց ժխտումը մեկ քայլ է,,,,,ԵՍ ԿԱՍԵԻ ՄԵԿ ՄԱՐԴ Է..որի որակումն այնքան «աղքատիկ» է հնչում, զուտ Ուրացող ասելով..... Անցյալի քայլերի ճշմարտացիության առնչությամբ կասկածանքից մինչև,,,,դրանց ժխտումը մեկ քայլ է,,,,,ԵՍ ԿԱՍԵԻ ՄԵԿ ՄԱՐԴ Է..որի որակումն այնքան «աղքատիկ» է հնչում, զուտ Ուրացող ասելով.....

***

Եթե մարդուն....երբեմն շան տեղ են դնում կամ չեն դնում,,,ինչու' չեն թողնում, որ նա գոնե իր մահով...սատկի....

***

Եթե ամբողջ սիրուց հիշում ես միայն համբույրն, ապա ի սկզբանե սիրել ես ...միայն համբուրելու համար....

***

Սերը. որպես կանոն, կարճատես է դարձնում, բայց դա...նաև բացում է ոմանց աչքերը..

***

Մարդիկ հաճախ են մենակ մնում, քանզի կամուրջների փոխարեն՝ նրանք պատեր են կառուցում...

***

ԳԱՂՏՆԱԶԵՐԾՎԵԼՈՎ՝ ԽՈՑԵԼԻ ԴԱՐՁԱ.....ԲԱՅՑ....ՈՒԺԵՂՆԵՐԸ ԳԱՂՏՆԻՔՆԵՐ ՈՒՆԵ՞Ն....

***ի՞նչ հասկացա քո լռության տողատակից-
...քիչ էր մնում հողը սողա, սողա տակից...

***

Կինը կարող է մեծ աղմուկ բարձրացնել այն նույն համբույրի պատճառով, որի շնորհիվ, սակայն, կարող է նաև հաճելիորեն....լռել....

***

կինն ստիպում է սրբացնել իրեն, որպեսզի...հետո մեղք լինի նրան հայհոյելը....

***

Բաժանումը միացնում է ամեն ինչ ու ամենքին, մինչդեռ միանալիս՝ ստիպված ես լինում բաժանվել մի քանի բաներից ու մի քանիսից...

***

Բավական չէ խոսել սիրո մասին, պետք է խոսել...սիրով...

***

Ստիպված շտապում ես, շտապելիս` ստիպում,,,,

***

Երբ վստահ չես՝ ապրում ես թե մեռած ես, ուրեմն, համոզված ես...որ սիրում ես...

***

 Երբ վստահ չես, որ սիրում ես, ուրեմն ապրում ես առանց համոզմունքի

***

Երբ համոզված ես, որ մեռած ես, ուրեմն ապրել ես

***

Եթե վստահ չես, որ մեռած ես, ուրեմն՝ դեռ սիրում ես

***

Ամենամեծ մեղքերը, թերևս, գործվում են «հանուն երեխայի» կարգախոսով, և դրանով էլ, միգուցե, ներվում են,,,

***

Եթե առաջնորդ ես, գոնե բառի պարզ իմաստով, պետք է թիմիդ, ընկերոջդ, գործընկերուջդ առաջնորդես բոլոր ժամանակներում ու պարագաներում:
Չպետք է թաքնվել կուսակցության, հանգամանքների, իրադարձությունների ստվերում, որովհետև եթե Ձուկը հոտում է, այո՛, հոտում է Գլխից: Ստվերում լեշահոտը կարող է ավելի քիչ տարածվել, քան, ասենք, արևի տակ: Բայց դրանից հոտը չի անցնում…ՉԻ ԱՆՑՆՈՒՄ…

***

Խնդրանքը լակմուսի թուղթ է, որի վրա պատկերվում է քեզ առնչվող մարդկանց իրական վերաբերմունքը՝ որպես կանոն արտահայտվելով դեղին գույնով....

***

Սեր ասմունքողը սերն էլ կժխտի.....ի՞նչ լիրբ ես աշխարհ...տնազ դրախտի

***Հայրենիք իմ որբ ու եղեռնացավ
Դու հիշելու ես, ով քեզ մոռացավ....

***

Եթե իշխանությունները կամ դրանց սերտաճած օլիգարխիկ տնտեսությունները իրենց վերին նկրտումները պրոյեկտում են բիզնես-շահին, հացի խնդրին, նյութին,,,,այսինքն ինքնության կոդերի բացակայության դեպքում՝ հնարավոր է այլ ափեր որոնել, կոչենք արտագաղթ կամ այլ ինչ...

***

Քո տեսակի, ինքնության, արմատի, ոգու, աստվածների, այդ թվում՝ արվեստի ու մշակույթի զորավոր ուժերի հետ կապի խզումը քեզ դարձնելու է համատիեզերական բնակիչ,,չարչի,,,անտեսակ, թիվ, գալչկա, ընտրող, ընտրամիս,,,,բայց ոչ մարդ,,,,,,հայ մարդ,,,,

***

Զոմբիացած հանրույթը այլևս չի ներշնչվում հին գաղափարներով, ինչպես նաև չի արտադրում նորերը…Ուրեմն նրա վերացմամբ տիեզերքը չի խամրի, քանզի մեծ գիտնականի բնորոշմամբ, կորել է տիեզերքի իմաստը նրան իմաստովորող մարդու կորստով…

***

Կսմիթ՝ դառնահոգոցի պես...
Ներհայաստանյան քաղաքական զարգացումներն ու դրանցում իշխանություն-ընդդիմություն «փոխհրաձգությունը» հիշեցնում է լավատեսի ու հոռետեսի մասին ձևակերպումը՝ կապված բաժակի կիսով չափ ջրով լիքը և նույնչափ էլ՝ դատարկ լինելու ու դրա տեսլականի հետ։ Բայց բաժակ է, արդյո՞ք, թե համբերության բաժակ։ Իսկ, միգուցե, արդեն Գ-ՐԱՖԻ-նկա է՞.....

***

Ժամանակակից հոմո սափիենսը լինում ա 3 տեսակ. անգրագետ, գրագետ և գուգլագետ...

***

Իմ անձնական թշնամիները նրանք են, որոնք իմ սխալն ինձ չեն ասում, այնպես, ինչպես նրանք, որոնք ոչ թե պաշտպանում են սխալվածներին, այլ արդարացնում նրանց,,,,

***

Տեր ներիր ինձ իմ բառերի համար, 

Բառ, ներիր անտեր մնալու համար....

***

Կարևորը՝ մոտենալը չէ, մոտեցումն է, որովհետև մոտ կանգնելը մոտիկություն չէ դեռ...

***

Այսօր երջանկության միջազգային Օրվա հաջորդ՝ ԵՐՋԱՆԿՈՒԹՅԱՆ ԵՐԵՍԸ ԿԱՐԳԻՆ ՉՏԵՍՆԵԼՈՒ միջազգային օրն է.....

***

Հիվանդ մարմինը, ստիպողաբար կնության տրված կույսի պես, դրվում է համակարգչի առջև, որը հրատապ սեր ու առույգություն է պահանջում...

***

Նույնիսկ եթե անսահման է երջանկությունը, մի սահմանապահ...Կին հայտնվում է ու քեզ դնում սահմանների մեջ...

***

Անգրագետների համահարթեցրած ասֆալտի տակից անպայման ծիլ է տալու ու բարձրանալու է Գրի հանճարեղ ծաղիկը...

***

ՍԵՐՆ ԱՅՆ Է ՈՒ ԱՅՆՏԵՂ է, ՈՐՏԵՂ ԴՈՒ ԵՍ...

***

Բառերիս վրա աղ մի ավելացրու, եթե դրանք եփել չգիտես քո սրտամանում...

***

Աղջիկը շպարվեց, ուզում է ամուսնանալ...

***

Պետք է շատ խելք ունենալ...հիմար երևալու համար

***

Քեզ սիրելն, իմ մեծ, սխալմունքն էր, գուցե,Բայց դու, սիրելիս, չես սխալվել, հաստատ....

***

Նախագահի թեկնածուներ, մեր ուղեղները սև ու սպիտակ պատկերագիրք չեն, դուք էլ՝ նկարիչներ չեք, իսկ առաջիկա ընտրություններն էլ, կարծեմ, ներկիր ինքդ-ի ձևաչափում չէ....

***

Եթե նույնիսկ երեխան չափից ավելի է խոսում ու աղմկում, պետք է ուշադրությամբ ու ակնածանքով լսել այդ, քանզի Աստվածախոսության երկրային ամենամաքուր ու հասցեական լեզուն մանուկերենն է...

***

Աստվածային սիրո մեջ մարդը մի դրվագ է, բայց ամբողջ սցենարն ստղեծվել է հենց այդ դրվագի համար

***Աստվածային յուրաքանչյուր օր կարևոր է, միայն թե, հարց է, թե ո՞ր օրը որքան է կարևորում մեզ...

***

Գիրս մի ջնջիր...այն անգիրելով,Սերս մի ճնշիր...ազատագրելով...

***

Մահվան մասին բոլոր սարսափելի պատմություններն ստեղծվել են կյանքի հեքիաթն ավելի լուսավոր դարձնելու համար....

***

Կենսասիրությունը կյանքը սիրելու հետ կապ չունի, որովհետև մահն էլ կարող է կենսունակ լինել

***

Անմահությունն անեծք է: Մեռնելը պարտադիր է...

***

Արտասանված ամենալավ խոսքը, որից դու կփշաքաղվես,,,,ոչինչ է` այն կարոր լռության համեմատ, որից հետո ասվում են այդ խոսքերը...

* * *Լռությունից ծնվողը երբեմն նման չէ իր ծնողին...

***

Ստոր լինելն այնքան էլ ահավոր չէ,,,,պետք է, չէ՞ մի կերպ արդարացնել ստորագրությունդ

***

Ավելի լավ է` բարությունը փոխադարձ լինի, քան ...սերը...որովհետև այն, նույնիսկ փոխադարձության մեջ, չարանալու միտում ունի,,,,,

***

Ամենավտանգավոր գազանը....հիշաչար ու անսեր Կինն է,,,,ամենահմուտ որսորդը...դարձյալ կինը,,,,,

***

Մի տարածքում, որտեղ միակարծություն ու մենիշխանություն է, ես պարտված եմ,,,այո...

***

Ես նույնիսկ սգացել եմ...արքայի մահը`Հորս հետ շախմատ խաղալիս...

***

Սիրելն ավելի հեշտ է, քան դրան բացատրություն տալը

***

Զզվելի է ապրել մի հասարակության մեջ, որտեղ թումանյանի շաուրման ավելի հայտնի է, քան Թումանյանի, ասենք, Շունն ու Կատուն....

***

Աստված ստեղծեց կնոջը, որպեսզի մարդը տղամարդ դառնա, բայց արդյունքում տղամարդն ու կինն այդպես էլ մարդ չդարձան…

***

մենք փոքր ենք ՄԵԾԵՐԻՆ ներելու համար...

***

Ճշմարիտ տողը, գիծը, հնչյունը քեզ խանգարում են քնել և օգնում են ապրել:

***

Հավատացեք մարդը տարբեր է, ինչ-որ առումով բացառիկ, ինչպես իր մատնահետքը, որից երկրորդը չկա...

***

Է~հհ…աշնան տերևն հառաչեց հանկարծ, երբ որ հասկացավ…լսում եմ իրեն…

***

Մարդկային տուրևառումից,,,ոչ թե առևտուրից,,,,միշտ էլ կարելի է լավ արժեքներ ստանալ...

***

Տեսակ ու խորք ունեցող մարդու քննադատությունն ավելի գերադասելի է հերթապահ գովեստից

***

Պճնված տիկնիկներ,,,ձեր մարմինը խնամելուց առաջ մեկընդմիշտ նայեք ձեր ներսը...տհաճ հոտն այնտեղից է...

***

Աստծո յուրաքանչյուր օր հնարավորություն է աշխատելու համար, ոչ թե չաշխատելու պատճառ...

***

Ամենագեղեցիկ երգս դու ես,թույլ տուր լռել քեզ իմ մտքում...

***

Ամենավտանգավոր մարդն ինքնաբավ մարդն է,,,,

***

Ես ինքնասպանություն գործել եմ, բայց նախկին կյանքում: Ինքնասպանվեցի, որ հայտնվեմ էս կյանքում

***

Բառեր, բառեր, բառեր,,,,որքան ենք սիրում վատնել դրանք,,,
...Իսկ վատնում են մի բան, որ չեն արժևորում,,,,Չնայած՝ բառերն այնքան են կարեվոր դառնում, որքան որ...պետք չեն: Եվ այն, ինչ ասել ենք բառերով, նույնկերպ էլ կհերքենք մի օր,,,,

***

Ժապավենի երկու ծայրերը կարող են բոլորովին այլ ուղղությամբ ձգվել, բայց չէ՞ որ դրանք մի կետում կարող են նաև գեղեցիկ հանգույց դառնալ…

***

Էլ անիմաստ են խոսքերը բոլոր,Թե չունեն անվան բաղձալի հոլով...

***

Մարդիկ կան, որոնք գրողի ծոցը գնալն ուղղակի իմաստով են հասկանում

***

Նա երեկ ուզում էր, որ ինձ այսօր տեսնի ու ասի, որ վաղվանից չենք տեսնվելու…

***

Ոչ թե մարգարեին չեն ընդունում իր հայրենիքում, այլ մարգարեն մեկ (նեղ իամստով ու ապարագրկությամբ) հայրենիք չունի,,,

***

Ախ, երևի ես կյանքի մասին վատ, իսկ մահվան մասին լավ գովազդ եմ,,,,

***

Հիշելը սիրո պատասխանատվության կեսն է, լիարժեք Սերը`ՉՄՈՌԱՆԱԼՆ Է...

***

Դատարկ մարդը նման է շշի, իսկ խմած մարդը....օղու շշի...

***

Երանի ժամանակ ունենայի,,,,,,այլոց ժամանակը բավարարեի